“அவர் ரொம்ப ஸ்வீட்டான நபர். படத்தோட ஷூட்டிங் ஆரம்பிச்சு ஒரு வாரத்துல பையன்னு சொல்ல ஆரம்பிச்சுட்டாரு. அவரும் அப்பான்னு கூப்பிடச் சொன்னாரு. இப்போ நான் 2, 3 நாள் போன் பண்ணலைன்னா, எனக்கு மெசேஜ் பண்ணிடுவாரு. அவருக்கு தமிழ் பேசி நடிக்கணும்ன்னு ரொம்ப ஆசை. அதுக்கு ஷூட்டிங் முடிஞ்சதும் மாலை பொழுதுல அவருக்குத் தமிழ் உச்சரிப்பு சொல்லிக் கொடுப்போம்.
அவரும் டிரெய்லர் பார்த்துட்டு நல்லா இருக்குன்னு சொன்னாரு. கடைசி காட்சிகளோட ஷூட்டிங் நடக்கும் போது என்னோட அப்பாவை அவர் பார்க்கணும்ன்னு சொன்னாரு. அதுக்காக அவரை ஊர்ல இருந்து வரவெச்சேன். அவங்க ரெண்டு பேரும் பேசுனாங்க. எங்க அப்பாக்கு இந்தி தெரியாது, சஞ்சய் தத் சாருக்குத் தமிழ் தெரியாது. ரெண்டு பேருக்கும் நடுவுல மொழிபெயர்ப்புக்கு ஒரு நபரை உட்கார வச்சு பேசுனாங்க.”
